«Իւնիվերսիատ-30». Արթուր Աւետիսեան Հայաստանին Ապահովեց Առաջին Ոսկի Մետալը
Posted on July. 13. 2019
Մարմնամարզիկ Արթուր Աւետիսեան Հայաստանի համար ապահովեց առաջին ոսկի մետալը իտալական Նափոլի քաղաքին մէջ երէկ սկսած համաշխարհային ուսանողական խաղերուն` «Իւնիվերսիատ-2019»-ին, յայտնեց Հայաստանի ազգային ողիմպիական կոմիտէին պաշտօնական կայքը:
Օղակներու մրցումին, ան ապահովելով 14.900 կէտ, տիրացաւ տիտղոսին, այսպիսով գերազանցելով 2017-ի եւ 2018-ի փոխախոյեան հանդիսացած թուրք Իպրահիմ Չոլախը, որ արձանագրած էր 14.800 կէտ:
Օղակներու այս մրցումին զտումի հանգրուանին, Արթուր Աւետիսեան արձանագրելով 14.750 կէտ, ապահոված էր աւարտական հանգրուանի իր տոմսը: