Հայկական Եւ Ասորական Համայնքները Լոս Անճելըսի Մէջ Ստորագրած Են Համագործակցութեան Յուշագիր

Posted on August. 2. 2019

Հարաւային Քալիֆորնիոյ Ասորա-հայկական միութիւնը (AAASC) եւ ՀՅԴ Արեւմտեան Ամերիկայի Հայ դատի յանձնախումբը 22 յուլիսին փոխըմբռնման եւ համագործակցութեան յուշագիր ստորագրած են երկուստեք յարաբերութիւններու խորացման նպատակով:
Յուշագիրը կ՛ընդգծէ երկու համայնքներուն միջեւ պատմական յարաբերութիւնները, համագործակցութեան եւ փոխըմբռնման կարեւորութիւնը եւ համակողմանի համագործակցութեան ապահովումը:
«Փոխըմբռնման եւ համագործակցութեան յուշագիրի ստորագրումը Հարաւային Քալիֆորնիոյ Ասորա-հայկական միութեան հետ յարաբերութիւնները պիտի բարձրացնէ աւելի խոր հաստատութենական մակարդակի», նշած է ՀՅԴ Արեւմտեան Ամերիկայի Հայ դատի յանձնախումբի նախագահ Նորա Յովսէփեան:
Հարաւային Քալիֆորնիոյ Ասորա-հայկական միութեան նախագահ Ռամոն Թեհշի համաձայն, այս յուշագիրը պաշտօնապէս պիտի ամրացնէ պատմական միութիւնը եւ պիտի ծառայէ երկու համայնքներուն միջեւ կապերու ամրապնդման:

Leave a Reply

Your email address will not be published. Required fields are marked *