Աւելի Քան 1.2 Միլիոն Եուրօ Հաւաքուեցաւ Հայաստան Համահայկական Հիմնադրամի Եւրոպական Դրամահաւաքին Ընթացքին

Posted on November. 27. 2019

ԵՐԵՒԱՆ.- Կիրակի, Նոյեմբեր 24ին տեղի ունեցաւ 2019ի Հայաստան համահայկական հիմնադրամի Եւրոպական հեռաձայնային դրամահաւաքը (Phoneton), որ անցեալ տարիներու նման ունեցաւ ակնկալուած յաջութիւն եւ ժողովրդային լայն մասնակցութիւն:

«Ես իմ անուշ Հայաստանի. կենարար ջուր եւ արեւ համայնքներուն» բնաբանով մեկնարկած դրամահաւաքէն, Եւրոպայի տարածքին յաջողուեցաւ ապահովել 1,226,201 եուրոյի գումար, իսկ Յունաստանի տարածքին՝ 26,046 եուրօ:

Կիրակի օրուան ընթացքին, կամաւորներ հեռաձայնեցին մեր հայրենակիցներու տուները եւ ապահովեցին նուիրատուութիւններու խոստումներ: Թէեւ գլխաւոր աշխատանքը իր աւարտին հասաւ, այսուհանդերձ հիմնադրամի Յունաստանի յանձնախումբը պիտի շարունակէ հեռաձայնային աշխատանքը, ամբողջացնելու համար նուիրահաւաքի ծրագիրը:

Leave a Reply

Your email address will not be published. Required fields are marked *