Հայկ Մարտիրոսեան՝ Տիտղոսակիր

Posted on May. 21. 2020

Կազմակերպութեամբ՝ Հայաստանի ճատրակի ֆետերասիոնին եւ Տիգրան Պետրոսեանի անուան ճատրակի տան, տեղի ունեցաւ Մայիսեան յաղթանակներուն նուիրուած կայծակնային ճատրակի մրցաշարք մը, որուն իրենց մասնակցութիւնը բերին ութ երիտասարդ ճատրակ խաղացողներ:
Այդ մասնակցողներն էին՝ Հայաստանի ճատրակի հաւաքականի անդամ՝ Աննա Սարգսեան, Կրանտմասթըրներ՝ Հայկ Մարտիրոսեան, Շանթ Սարգսեան, Մանուէլ Պետրոսեան, Տիգրան Յարութիւնեան, միջազգային վարպետներ՝ Արթուր Դաւթեան, Մամիկոն Ղարիբեան եւ «ՖԻՏԷ»-ի վարպետ՝ Արմէն Բարսեղեան:
Տիտղոսակիր դարձաւ՝ Հայկ Մարտիրոսեան, որ ապահովեց 6,5 կէտ: 5 կէտով երկրորդ դիրքը գրաւեց՝ Շանթ Սարգսեան, մինչ 4 կէտով լաւագոյն եռեակը ամբողջացուց՝ Մամիկոն Ղարիբեան:
Մրցաշարքին ընթացքին, հարկ եղած բոլոր զգուշացումները առնուած էին «Քորոնա» ժահրին պատճառով:

Leave a Reply

Your email address will not be published. Required fields are marked *