Հայկական Ֆութպոլ. Սոլոմոն Իմէ Ուտօ՝ Հայաստանի Հաւաքականին Նոր Ֆութպոլիստ
Posted on June. 27. 2020
Հայաստանի ֆութպոլի ֆետերասիոնին պաշտօնական կայքէն կը տեղեկանանք, որ Շիրակ Գիւմրիի միջնապահ՝ Սոլոմոն Իմէ Ուտօ, յետ այսու մաս պիտի կազմէ Հայաստանի ֆութպոլի ազգային հաւաքականին:
15 յուլիս 1995-ին Նիկերիոյ մէջ ծնած Ուտօ, որ 2015-էն ի վեր իր մասնակցութիւնը կը բերէ Հայաստանի ֆութպոլի ախոյեանութեան մրցումներուն, հաւաքականին մաս կազմելու իրաւունքը ունի եւ այժմ պիտի սպասէ իր փաստաթուղթերուն ամբողջացման, որպէսզի միանայ հաւաքականին:
Այս լուրին հրապարակումէն ետք, ան ըսաւ որ ինքզինք մեծապէս ուրախ կը զգայ եւ մեծ յոյսով է որ կ՛արդարացնէ իր վրայ դրուած յոյսերը: