Ն.Ս.Օ.Տ.Տ ԱՐԱՄ Ա. ԿԱԹՈՂԻԿՈՍ Կ՚ՈՂՋՈՒՆԷ ՍՈՒՐԻԱՀԱՅ ԵՐԵՔ ԵՐԵՍՓՈԽԱՆՆԵՐՈՒ ԸՆՏՐՈՒԹԻՒՆԸ

Posted on July. 23. 2020

Այս առաւօտ Բերիոյ հայոց թեմի առաջնորդ Գերշ. Տ. Մասիս Եպս. Զօպուեանի ուղղած իր նամակին մէջ, Ն.Ս.Օ.Տ.Տ. Արամ Ա. Կաթողիկոս իր խոր գոհունակու-թիւնը յայտնեց, Կիրակի, 19 Յուլիս 2020-ին Սուրիոյ մէջ տեղի ունեցած խոր-հրդարանական ընտրութիւններուն հայ համայնքին երեք զաւակներուն՝ Դամասկոսէն դոկտ. Նորա Արիսեանի, Հալէպէն՝ իրաւաբան Լիւսի Իսկէնեանի եւ տիար Ժիրայր Րէիսեանի ընտրութեան առիթով, որպէս Սուրիոյ Խորհրդարանի անդամներ։
Վեհափառ Հայրապետը յիշեցնելէ ետք, թէ պատմութեան մէջ առաջին անգամ ըլլալով Սուրիոյ հայ համայնքը խորհրդարանէն ներս կ՚ունենայ երեք երեսփոխան՝ կ՚աւելցնէ. «Հայ համայնքը իր կարեւոր ներդրումը ունեցած է Սուրիոյ զարգացման մէջ, յատկապէս տնտեսական մարզէն ներս։ Հայ ժողովուրդը միշտ եղած է երախտապարտ սուրիացի ժողովուրդի զաւակներուն, քրիստոնեայ թէ իսլամ, մանաւանդ հայոց ցեղասպանութենէն վերապրողներուն նկատմամբ իրենց ցուցաբերած մարդասիրական ոգիին համար։ Հետեւաբար, վստահ ենք, որ մեր երեք երեսփոխանները իրենց գործօն մասնակցութիւնը պիտի բերեն Սուրիոյ վերականգնումին ու առաւել զարգացման նպաստող աշխատանքներուն՝ թարգմանը հանդիսանալով Սուրիոյ հայութեան հաւաքական յանձնառութեան»։ Ապա, Նորին Սրբութիւնը իր հայրական օրհնութիւնը ու յաջողութեան մաղթանքները կը փոխանցէ նորընտիր հայ երեսփոխաններուն:

Leave a Reply

Your email address will not be published. Required fields are marked *