Կարէն Գիլոյեան. «Առաջին Քայլս Պիտի Ըլլայ Արցախի Մէջ Մարզադպրոց Բանալ»
Posted on January. 8. 2021
Հայաստանի կրթութեան, գիտութեան, մշակոյթի եւ երիտասարդութեան նոր նշանակուած փոխնախարար Կարէն Գիլոյեանի առաջին քայլը պիտի ըլլայ Արցախի մէջ վերանորոգուած մարզադպրոցի բացման մասնակցիլը:
Ան ըսաւ, որ երբեք քաղաքականութեամբ չէ զբաղած եւ որեւէ կուսակցութեան անդամ չէ եղած:
«Ամբողջ կեանքս մարզաշխարհին մէջ եղած է: Ուժերուս ներած չափով ամէն ինչ պիտի ընեմ, որ առաւելագոյն ձեւով օգտակար դառնամ հայկական մարզաշխարհի յառաջդիմութեան եւ վերելքին», ըսաւ ան:
Նշուեցաւ, որ ան կը պատրաստուի Ամանորը դիմաւորել Արցախի մէջ:
Մարտունիի մէջ ան պիտի մասնակցի վերակառուցուած մարզադպրոցի բացման հանդիսութեան: Վերջինս քանդուած էր պատերազմի ընթացքին: