Ճատրակ. Յովհաննէս Գաբուզեան Հանդիսացաւ Հայաստանի Ախոյեան

Posted on March. 3. 2021

Նախորդ շաբաթավերջին, Տիգրան Պետրոսեանի անուան ճատրակի տան մէջ իր աւարտին հասաւ Հայաստանի ճատրակի տղոց բարձրագոյն դասակարգի 2021 տարուան ախոյեանութիւնը, երբ կատարուեցան 11-րդ եւ վերջին հանգրուանի հանդիպումները:
Յովհաննէս Գաբուզեան, որ վերջին հանգրուանին սեւ քարերով մրցեցաւ Տիգրան Պետրոսեանի դէմ, յաղթանակ արձանագրելով հանդիսացաւ Հայաստանի 81-րդ ախոյեանը:
Գաբուզեան, որ 2017-ին եւս հանդիսացած էր ախոյեան, այս ախոյեանութեան առաւելագոյն 11 կէտէն ապահովեց 8,5 կէտ:
Այսպիսով, ան իրաւունք ստացաւ մաս կազմելու Հայաստանի տղոց ազգային հաւաքականին:
Անոր ետին յաջորդաբար 2-րդ եւ 3-րդ դիրքերը գրաւեցին Արման Փաշիկեան եւ Սամուէլ Տէր Սահակեան:
Նշենք, որ Հայաստանի աղջկանց ախոյեան հանդիսացաւ Սուսաննա Գաբոյեան:

Leave a Reply

Your email address will not be published. Required fields are marked *