«Ապրիլին Հրաժարական Պիտի Տամ, Որպէսզի Տեղի Ունենան Արտահերթ Ընտրութիւններ» Ընդգծեց Նիկոլ Փաշինեան

Posted on March. 31. 2021

«Հակառակ երբեմն ահաբեկչութեան ուղիղ կոչերուն, մեր ընդդիմութիւնը նոյնպէս գիծեր չէ անցած, եւ ես կ՛ուզեմ բարձր գնահատել մեր ընդդիմութեան այդ բարձր կեցուածքը», երէկ Արմաւիրի մարզին մէջ ըսաւ վարչապետ Նիկոլ Փաշինեան:
Յառաջիկային20 յունիսին նախատեսուած են արտահերթ խորհրդարանական ընտրութիւններ, յիշեցուց Նիկոլ Փաշինեան աւելցնելով, որ ժողովուրդը պէտք է որոշում կայացնէ եւ գնահատական տայ անցեալին ու ապագային:
«Այո՛, յառաջիկային ես հրաժարական պիտի տամ, ապրիլին, հրաժարական պիտի տամ ոչ թէ երթալու, այլ հրաժարական պիտի տամ, որպէսզի տեղի ունենան արտահերթ խորհրդարանական ընտրութիւններ` այդ ընթացքին շարունակելով ըլլալ վարչապետի պարտականութիւնները կատարող», ըսաւ վարչապետը:
Յիշեցնենք, որ աւելի կանուխ Նիկոլ Փաշինեանը Ազգային ժողովի խմբակցութիւններուն հետ հանդիպումներէն ետք յայտարարած էր 20 յունիսին տեղի ունենալիք Ազգային ժողովի արտահերթ ընտրութիւններուն մասին:

Leave a Reply

Your email address will not be published. Required fields are marked *