Ճատրակ. Համաշխարհային Օլիմփիատ. Հայաստանի Տղոց Հաւաքականը Հաւասարութիւն Մը Արձանագրեց Միացեալ Նահանգներու Հետ

Posted on August. 13. 2022

Օրուան մը հանգիստէ ետք, երէկ5 օգոստոսին, Հնդկաստանի Շենայ քաղաքին մէջ շարունակուեցաւ ճատրակի Համաշխարհային Օլիմփիատի մրցաշարքը, երբ տեղի ունեցան 7-րդ հանգրուանի ճակատումները: Հայաստանի տղոց հաւաքականը շարունակեց մնալ պարագլուխի դիրքին վրայ, հակառակ անոր որ 2-2 արդիւնքով հաւասարութիւն մըարձանագրեց Միացեալ Նահանգներուն հետ: Գաբրիէլ Սարգսեան եւ Ռոպերթ Յովհաննիսեան յաղթանակ արձանագրեցին, մինչ Հրանդ Մելքումեան եւ Սամուէլ Տէր Սահակեան պարտութիւն կրեցին: Միացեալ Նահանգներու կազմէն Լեւոն Արոնեան այս մրցումին չմասնակ-ցեցաւ: Հայաստան այժմ 13 կէտով կը գրաւէ դասաւորման առաջին դիրքը, մինչ անոր ետին են վեց խումբեր, որոնք ունին 12-ական կէտ: Ինչ կը վերաբերի աղջկանց մրցումներուն, հայրենի կազմը 2,5-1,5 արդիւնքով յաղթեց Իսրայէլին: Սուսաննա Գաբոյեան արձանագրեց յաղթանակ մը, մինչ Էլինա Դանիէլեան, Լիլիթ Մկրտչեան եւ Աննա Սարգսեան հաւասարութիւններ:
Հայաստան այժմ 12 կէտով կը բաժնէ 2-4-րդ դիրքերը, մինչ պարագլուխի դիրքը 14 կէտով կը գրաւէ Հնդկաստան:

Leave a Reply

Your email address will not be published. Required fields are marked *