Նոա-Կարէն Նալբանդեան Պայմանագրի Խզում

Posted on January. 13. 2023

Հայաստանի ներկայացուցիչ 22 տարեկան Հայկ Մ. Մարտիրոսեան, Ալմա Աթայի մէջ (Ղազախստան) աւարտած աշխարհի ճատրակի կայծակնային ախոյեանութեան հանդիսացաւ պրոնզէ մետալակիր. ան առաւելագոյն 21 կէտէն ապահովեց 15 կէտ:
Անոր նման նոյնքան կէտ ապահովելով երկրորդ դիրքը գրաւեց ամերիկացի Հիքարու Նաքամուրա:
6-րդ անգամ ըլլալով տիտղոսին տիրացաւ միջազգային դասաւորման մէջ պարագլուխի դիրքին վրայ գտնուող նորվեկիացի Մակնուս Քարլսըն (16 կէտ):
Նշենք, որ ան տիրացած էր նաեւ արագ ճատրակի աշխարհի ախոյեանի տիտղոսին` չորրորդ անգամ ըլլալով:
Հայաստանի միւս ներկայացուցիչներուն մէջ կայծակնային ախոյեանութեան ամէնէն բարձր արդիւնքը արձանագրեցին Զաւէն Անդրէասեան (32-րդ), Տիգրան Լ. Պետրոսեան (33-րդ) եւ Շանթ Սարգսեան (38-րդ), որոնք ապահովեցին 12,5-ական կէտ:

Աղջկանց ախոյեանութեան Հայաստանի ներկայացուցիչներէն ամէնէն բարձր դիրքը գրաւեց Էլինա Դանիէլեան, որ առաւելագոյն 17 կէտէն ապահովեց 10,5 կէտ:

Յաջորդաբար երկրորդ տարին ըլլալով ախոյեան հանդիսացաւ 18 տարեկան ղազախ Պիպիսարան Ասաուպայեւա (13 կէտ):

Leave a Reply

Your email address will not be published. Required fields are marked *