Հայկական Ֆութպոլ. Էտկար Մալաքեան Վերադարձաւ Փիւնիկ
Posted on January. 19. 2023
Հայաստանի ֆութպոլի բարձրագոյն դասակարգի ախոյեանութեան մէջ հանդէս եկող Փիւնիկի մամլոյ քարտուղարութիւնը յայտնեց, որ 32 տարեկան միջնապահ Էտկար Մալաքեան վերադարձաւ երեւանեան ակումբ:
Էտկար Մալաքեան, որ Փիւնիկի սան է, 2007 տարեշրջանին Փիւնիկ-2-ի կազմին հետ հանդիսացաւ Հայաստանի Ա. դասակարգի ախոյեանութեան տիտղոսակիր, իսկ նոյն տարուան 10 նոյեմբերին Հայաստանի բարձրագոյն դասակարգի ախոյեանութեան վերջին հանգրուանի` Շիրակ Գիւմրիի դէմ, իր նորամուտը նշեց խումբին գլխաւոր կազմին հետ:
2012-ի ամրան ան Փիւնիկէն տեղափոխուեցաւ չեխական Վիքթորիա Փլզեն:
Նշենք, որ ան երեք անգամ (2008, 2009 եւ 2010) Փիւնիկի հետ հանդիսացաւ Հայաստանի ախոյեան:
Բարձրագոյն դասակարգին մէջ ան ցարդ կատարած է 232 մրցում եւ նշանա-կած 29 կոլ:
Հայաստանի ֆութպոլի ազգային հաւաքականին հետ 21 մրցում կատարած Մալաքեան մաս կազմած է նաեւ Հայաստանի 19 եւ 21 տարեկանէն վար հաւաքականներուն: