«Տապըլիու. Ար.-Չես Մասթըրզ» Լեւոն Արոնեան Կը Գրաւէ Դասաւորման Առաջին Դիրքը
Posted on February. 24. 2023
Հայկական Ճատրակի նախկին յառաջատար Լեւոն Արոնեան (Միացեալ Նահանգներ), նախորդ շաբաթավերջին յաղթական մեկնարկ մը ունեցաւ Գերմանիոյ Տիւսելտոլֆ քաղաքին մէջ կատարուող ճատրակ «ՏԱՊԸԼԻՈՒ. ԱՐ.-Չես Մասթըրզ» միջազգային մրցաշարքին գծով:
Ա. հանգրուանի մրցումներուն, Արոնեան, որ ճերմակ քարերով մրցեցաւ հնդիկ Ռամեշպապու Փրակնանանտհայի դէմ, իր յաղթանակը արձանագրեց 50-րդ շարժումին:
Հայրենի կրանտմասթըրը այժմ 4-րդ հանգրուանի մրցումներէն ետք կը գրաւէ ընդհանուր դասաւորման պարագլուխի դիրքըիր տրամադրութեան տակ ունենալով երեք կէտ: Անկէ կէսական կէտով ետ կը մնան ամերիկացի Ուեսլի Սօ եւ հնդիկ Տոմարաճու Կուքեշ: Երէկ երկուշաբթի, 20 փետրուարին, որեւէ մրցում չկատարուեցաւնկատի ունենալով, որ 20 փետրուարին, հանգստեան օր էր: Մրցաշարքին մասնակցողներուն կարգին են նաեւ ամերիկացի Ուեսլի Սօ, ռուս Եան Նեփոմնիաչի, նետերլանտցի Անիշ Կիրի եւ ուրիշներ:
Մրցաշարքին մրցանակային հիմնադրամը կը կազմէ 130 հազար եւրօ, մինչ տիտղոսակիրը կը ստանայ 40 հազար եւրօ: