Մարմնամարզութիւն. Աշխարհի Բաժակի Մրցաշարք. Արթուր Դաւթեան Դարձեալ Տիրացաւ Ոսկի Մետալին
Posted on March. 14. 2023
Տոհայի մէջ (Քաթար) տեղի ունեցած աշխարհի մարմնամարզութեան բաժակի մրցաշարքի երկրորդ հանգրուանի մրցումներուն, Թոքիոյի ողիմպիական խաղերու պրոնզէ մետալակիր, աշխարհի եւ Եւրոպայի ախոյեան Արթուր Դաւթեան դարձեալ տիրացաւ ոսկի մետալին:
Յենացատկի մրցումներու աւարտականին, ան ապահովելով 15.083 կէտ, գերազանցեց բոլորին:
Ան ոսկի մետալի տիրացած էր նաեւ գերմանական Քոթպուս քաղաքին մէջ տեղի ունեցած աշխարհի մարմնամարզութեան բաժակի մրցաշարքի Ա. հանգրուանի մրցումներուն` ապահովելով 15.133 կէտ:
Տոհայի մէջ տեղի ունեցած աւարտական այս մրցումին ներկայ էր նաեւ Հայաստանի մարմնամարզութեան ֆետերասիոնի նախագահ Գագիկ Վանոյեան:
Նշենք, որ աշխարհի բաժակի մրցաշարքի մրցումները վարկանշային են աշխարհի ախոյեանութեան համար, որուն ընթացքին մարզիկները կը պայ-քարին ապահովել Փարիզի ողիմպիական խաղերուն իրենց տոմսերը:
Աշխարհի մարմնամարզութեան բաժակի մրցաշարքի երրորդ հանգրուանի մրցումները տեղի պիտի ունենան Պաքուի մէջ (Ազրպէյճան), որոնց իր մասնակցութիւնը պիտի չբերէ Հայաստանի ազգային հաւաքականը: