ԱՐԵՒՄՏԵԱՆ ԹԵՄԻ ՄԷՋ, ՀԲԸՄ-Ի ԴՊՐՈՑԻ ՓԱԿՄԱՆ ԴԷՄ ՀԱՆՐԱՀԱՈՒԱՔԸ ԽԱՓԱՆԵԼՈՒ ԱՐՔ. ՅՈՎՆԱՆ ՏԷՐՏԷՐԵԱՆԻ ԱՇԽԱՏԱԿԱԶՄԻ ՆԵՆԳԱՄԻՏ ՔԱՅԼԸ
Posted on December. 14. 2019
ՀԵՂԻՆԱԿ՝ ՍԱՐԻՆԷ ՆԱՀԱՊԵՏԵԱՆ
Ես կը հետեւէի ՀԲԸՄ Վաչէ եւ Թամար Մանուկեան դպրոցի փակման դէմ Նոյեմբերի 4-ի Արեւմտեան Թեմի մէջ տեղի ունեցած հանրահաւաքի զարգացումներուն:
Ես զայրացայ՝ տեղեկանալով ՀԲԸՄ-ի դպրոցի ծնողներէն եւ ուսանողներէն, որ բողոքի ցոյցի ընթացքին Արեւմտեան Թեմի արք. Տէրտէրեանի օգնականները միտումնաւոր իջեցրած են բարձրախօսներու ձայնը, որպէսզի մասնակիցները չկրնան լսել հանրահաւաքի տարբեր խօսնակներու դիտողութիւնները: Անոնց նոյնիսկ հնարաւո-րութիւն չէ տրուած որ բարձր ամպիոնէ ելոյթ ունենան:
Սկզբնապէս Արք. Տէրտէրեանը համաձայնած է թոյլ տալ բողոքի ցոյցի կազմակերպիչներուն թեմի շրջափակը օգտագործել «թոզ փչելու» եւ «լաւ երեւնալու» համար ՀԲԸՄ-ի նեխած ղեկավարներուն դէմ զայրացած ուսանողներու, ծնողներու եւ համայնքի անդամներու աչքին: Սասայն անոր հիմնական նպատակը ցոյցին յաջողութիւնը չէր, այլ պարզապէս «լաւ երեւալն» էր: Ու անոր իսկական դիմակը պատռուեցաւ այն ժամանակ, երբ անոր օգնականները գլխաւորութեամբ՝ Թեմի գործադիր տնօրէն Յարութ Մարգարեանի որ դատարանի կողմէն իսկ ստախօս որակուած հովիւ Մանուկ Մարգարեանի որդին, անջատեցին ձայնային համակարգը: Խափանարական յստակ գործողութիւն:
Կազմակերպիչները ստիպուած էին իրենց կողմէ ձայնային համակարգ բերել բեռնակարքով, որպէսզի կարենան իրենց խօսքը ուղղել ցուցարարներուն: Երբ հաւաքի կազմակերպիչները օգտագործել բեռնատարի վրայ տեղադրուած իրենց սեփական ձայնային համակարգը, Սրբազան Տէրտէրեանի վստահուած անձինք Թեմի տրամադրած ձայնային համակարգի վրայ բարձր երաժշտութիւն միացուցին‘ հանրաւավաքի ելոյթները խանգարելու համար:
Այդ փուլին բողոքի ցոյցի բոլոր մասնակիցներու մօտ Սրբազանի հանդէպ զզուանք յառաջացուցած էր, եւ անոնք հասկցան, որ ան կեղծիքով լեցուն մարդ է: Անոնք նաեւ պարզեցին, որ իրականութեան մէջ արք. Տէրտէրեանը դիկունք կը կանգնի ՀԲԸՄ-ի նեխած ղեկավարութեան՝ յանձինս Պերճ Սեդրակեանի եւ Սինան Սինանեանի: