Արսենալ Կը Հրաժարի Մխիթարեանի Փոխանցման Իրաւունքը Ծախել Ա. Էս. Ռոմային
Posted on January. 10. 2020
Իտալական մամուլը կը հաղորդէ, որ լոնտոնեան Արսենալը կը հրաժարի Հայաստանի ֆութպոլի ազգային հաւաքականին միջնապահ Հենրիխ Մխիթարեանի փոխանցման իրաւունքը ծախել իտալական Ա. էս. Ռոմային:
Նշուեցաւ, որ Ա. Էս. Ռոմա 30 տարեկան Մխիթարեանի ստորագրութիւնը ձեռք ձգելու համար Արսենալին առաջարկած է 10 միլիոն եւրօ, բայց մերժում ստացած:
Կը կարծուի, որ մօտիկ ապագային Ա. Էս. Ռոմա դարձեալ բանակցութիւններ պիտի կատարէ Արսենալի հետ:
Նախորդ ամրան Մխիթարեան Արսենալէն փոխ տրուեցաւ Ա. Էս. Ռոմային: