Posted on February. 12. 2023
Նետերլանտներու Վիյք Աան Զի քաղաքին մէջ տեղի ունեցող ճատրակի «Թաթա Սթիլ Մասթըրզ» միջազգային մրցաշարքին մասնակցողները, միօրեայ դադարէ մը ետք, կատարեցին 9-րդ հանգրուանի մրցումները:
Միացեալ Նահանգներու դրօշին տակ հանդէս եկող Լեւոն Արոնեան, որ ճերմակ քարերով մրցեցաւ նետերլանտցի Ժորտեն վան Ֆորիսթի հետ, անոր հետ արձանագրեց հաւասարութիւն մը31-րդ շարժումին: Հայաստանի հաւաքականի նախկին յառաջատարը այսպիսով արձանագրեց իր 8-րդ հաւասարութիւնը (յաջորդական
չորրորդը):
10-րդ հանգրուանին եւս Արոնեան արձանագրեց հաւասարութիւն մը, այս անգամհունգարացի Ռիշար Ռափորի հետ: Արոնեան իր միակ յաղթանակը արձանագրեց 5-րդ հանգրուանին
պարտութեան մատնելով գերմանացի Վենսան Քէյմերը:
Այս հանգրուանէն ետք, այժմ Արոնեան, որ ցարդ ապահոված է 5,5 կէտ, կը գրաւէ դասաւորման 5-րդ դիրքը:
Ուզպեքիստանի ներկայացուցիչ Նոտիրպեկ Ապտուսաթարով, որ այս հանգրուանին հաւասարութիւն մը արձանագրեց Վենսան Քէյմերի հետ, այժմ 7 կէտով միանձնեայ կը շարունակէ գլխաւորել դասաւորման պարագլուխի դիրքը: